მოგესალმებით, ძვირფასო მოსწავლეებო, მშობლებო და სასკოლო საზოგადოებავ!
ჩვენი სკოლის ვებ-გვერდზე სტუმრობა უდიდესი პატივია ჩემთვის. ჩვენი სკოლა ემსახურება უნიკალურ მიზანს - უზრუნველყოს უმაღლესი დონის განათლება მრავალფეროვან და ინკლუზიურ გარემოში, რომელიც თითოეული მოსწავლისთვის ახლის აღმოჩენასა და პიროვნულ ზრდას უწყობს ხელს.
ჩვენს სკოლაში ყოველ მოსწავლეს განსაკუთრებული მნიშვნელობა ენიჭება. ჩვენი მისიაა, შევუქმნათ მათ უსაფრთხო და მხარდამჭერი გარემო, სადაც ისინი შეძლებენ საკუთარი უნარების, ინტერესებისა და შესაძლებლობების მაქსიმალურ განვითარებას. ჩვენი სასწავლო პროგრამები მორგებულია საერთაშორისო სტანდარტებზე და მიზნად ისახავს მოსწავლეთა შემოქმედებითი, კრიტიკული და დამოუკიდებელი აზროვნების განვითარებას.
სკოლის მასწავლებელთა გუნდი გამოირჩევა მაღალი პროფესიონალიზმითა და გამოცდილებით. ისინი მთელი გულისყურით და ენერგიით მუშაობენ, რათა თითოეული გაკვეთილი იყოს საინტერესო და ინსპირაციული. ჩვენთვის მნიშვნელოვანია, რომ მოსწავლეებმა არა მხოლოდ აკადემიური ცოდნა მიიღონ, არამედ ისწავლონ თანამშრომლობა, პატივისცემა და გლობალურ საზოგადოებაში აქტიური და პასუხისმგებელი წევრობის მნიშვნელობა.
ჩვენი სკოლა განუწყვეტლივ ცდილობს იყოს ინოვაციური და პროგრესული, იყენებს თანამედროვე ტექნოლოგიებსა და სასწავლო მეთოდებს. ვამაყობთ, რომ შეგვიძლია შევთავაზოთ მოსწავლეებს ფართო სპექტრის ექსტრაკურიკულარული აქტივობები, რომლებიც ეხმარებათ მათ სხვადასხვა ინტერესებისა და ნიჭის განვითარებაში.
მადლობას ვუხდით მშობლებს და მთლიან საზოგადოებას მათი მუდმივი მხარდაჭერისა და თანამშრომლობისთვის. ჩვენთვის მნიშვნელოვანია თქვენი მონაწილეობა და უკუკავშირი, რათა ერთად შევქმნათ საუკეთესო სასწავლო გარემო ჩვენი მოსწავლეებისთვის.
სკოლის ვებგვერდი შექმნილია იმისათვის, რომ მოგაწოდოთ სრული ინფორმაცია ჩვენი სკოლის შესახებ, გაგიზიაროთ უახლესი ამბები და ღონისძიებები. ვიმედოვნებთ, რომ აქ დაგხვდებათ ყველა საჭირო რესურსი და ინფორმაცია, რაც დაგეხმარებათ უფრო ახლოს გაეცნოთ ჩვენი სკოლის ყოველდღიურობას და განათლების პროცესს.
თუ თქვენ გადაწყვეტთ ჩვენს სკოლაში დარეგისტრირებას, გჯეროდეთ,რომ თქვენ მიიღებთ უფრო მეტს, ვიდრე ამას ელოდით. სკოლა თქვენს შვილებს საკუთარ თავში აღმოაჩენინებს იმაზე მეტ რესურსს, ვიდრე ეს ადრე წარმოედგინათ!
გისურვებთ წარმატებებს და სიხარულს ჩვენს სკოლაში ყოფნის პერიოდში. ერთად ვაშენოთ მომავალი!
მანანა სანაძე
საქართველოს უნივერსიტეტის პრეზიდენტი, UG სკოლის დირექტორი
