UG სკოლის წლიური სამეცნიერო ფესტივალი (STEAM)

UG სკოლის წლიური სამეცნიერო ფესტივალი წარმოადგენს მნიშვნელოვან საგანმანათლებლო პლატფორმას, რომელიც მიზნად ისახავს მოსწავლეებში კვლევითი ინტერესების გაღვივებასა და პრაქტიკული უნარების განვითარებას. 2025 წლის ფესტივალის ფარგლებში, განსაკუთრებული ინიციატივა განხორციელდა დაწყებითი საფეხურის მოსწავლეებისთვის — მეორე კლასებში ორგანიზებული „საოჯახო დღე“, რომლის მთავარი აქცენტი იყო მშობელთა და მოსწავლეთა შორის თანამშრომლობითი სწავლების ხელშეწყობა.

საოჯახო დღის ფარგლებში, მშობლებთან ერთად მოსწავლეებმა გუნდურად იმუშავეს მორწყვის სისტემის შექმნაზე. აღნიშნულ აქტივობას ჰქონდა როგორც პრაქტიკული, ისე თეორიული საფუძველი: მონაწილეებმა ისწავლეს წყალმომარაგების, რეციკლირების და რესურსების რაციონალურად გამოყენების ელემენტარული პრინციპები. ერთობლივი მუშაობის პროცესში ბავშვებმა განივითარეს კონსტრუქტორალური და პრობლემის გადაჭრის უნარები, მშობლებს კი მიეცათ საშუალება აქტიურად ჩართულიყვნენ სასკოლო ცხოვრებაში.

მორწყვის სისტემების აწყობა მჭიდროდ იყო დაკავშირებული ბუნებისმეტყველების საბაზისო თემებთან, როგორიცაა წყლის ციკლი, მცენარეთა ზრდის პირობები და ეკოლოგიურად სუფთა ტექნოლოგიები. პროექტის დემონსტრირებისას მოსწავლეებმა განმარტეს საკუთარი მოდელების ფუნქციონალური მახასიათებლები.