ინტელექტუალური კონკურსი „წიგნის თარო"

UG სკოლის დაწყებითი საფეხურის ერთ-ერთი გამორჩეული აქტივობაა „მკითხველის კლუბი“, რომელიც მიზნად ისახავს მოსწავლეებში კითხვის მოტივაციისა და წიგნიერების დონის ამაღლებას.

21-22 მაისს, კლუბის ფარგლებში, IV-VI კლასებში ჩატარდა შიდასასკოლო ინტელექტუალური კონკურსი „წიგნის თარო“, რომელიც საზოგადოებრივი მაუწყებლის პოპულარული გადაცემის ანალოგია.

შეჯიბრებაში ორი ეტაპი იყო:

• პირველი ეტაპი – შიდა საკლასო შერჩევა,
• მეორე, ფინალური ეტაპი – კლასების გამარჯვებულ გუნდებს შორის დაპირისპირება.

კითხვები დაფუძნებული იყო როგორც წაკითხულ საბავშვო ლიტერატურაზე, ასევე მითოლოგიაზე, რაც აძლიერებდა ბავშვებში ანალიტიკურ და შემეცნებით უნარებს.

კონკურსის გამარჯვებულ გუნდებს გადაეცათ სამახსოვრო საჩუქრები.